ზანზიბარის ადგილობრივი საზოგადოებების გაძლიერება Street View-ით

საერთაშორისო ცნობადობის გაზრდა პრიორიტეტია ნებისმიერი დანიშნულების ადგილისთვის, მათ შორის, ზანზიბარისთვის, რომლის ეკონომიკაც ტურიზმით ცოცხლობს. ქვეყანაში ეკონომიკური გარდატეხის მოსახდენად ზანზიბარის დაგეგმარების კომისიამ გადაწყვიტა არქიპელაგის სილამაზის აღბეჭდვა და გამოქვეყნება, რაშიც Street View დაეხმარა. World Travel in 360-ის (WT360) პროფესიონალ ფოტოგრაფებთან, ფედერიკო დებეტოსთან, ნიკოლაი ომელჩენკოსა და ქრის დე პლესისთან ერთად, შეიმუშავეს ზანზიბარის პროექტი და შთააგონეს ადგილობრივ საზოგადოებებს, რომ ეს პროექტი დამოუკიდებლად გაეგრძელებინათ.

Google Street View აძლიერებს ზანზიბარის ადგილობრივ საზოგადოებებს

Watch the film

Link to Youtube Video (visible only when JS is disabled)

1700 კმ

აღბეჭდილია ფოტოზე

980 ათასი

გამოქვეყნებული სურათი

33 მილიონი

ნახვა

105 სასტუმროები

სიაში

ერთად განვითარება

მასშტაბური რუკის შექმნა გამოწვევაა. WT360-ის გუნდმა შემოიკრიბა ზანზიბარის სახელმწიფო უნივერსიტეტის თორმეტი მოხალისე სტუდენტი კუნძულ უნგუჯას რუკის დასურათებისთვის. ფედერიკოს, ნიკოლაისა და ქრისის ხელმძღვანელობით გუნდმა გადაიღო 1700 კმ მანძილის კადრები.

ტურიზმი ჩვენი მშპ-ის 30%-ია. გვსურს, ახალგაზრდებს და უკვე ამ დარგში დასაქმებულებს შევასწავლოთ ტურიზმის ინდუსტრია. ოდესღაც ხალხი ფიქრობდა, რომ ტურიზმი მხოლოდ სასტუმროებია. ტურიზმი ბევრად მეტია. არის ისტორია, არის ავიაკომპანიები და არის მარკეტინგი. ინდუსტრიაში მეტი ზანზიბარელის ჩართვა ხელს შეუწყობს ეკონომიკის გაზრდას და დაეხმარება ადგილობრივ მთავრობასაც.

სიმაი მოჰამედ საიდი, ზანზიბარის ტურიზმისა და კულტურული მემკვიდრეობის მინისტრი.

ზანზიბარის განვითარებასთან ერთად ფედერიკოს გუნდი რეგულარულად განაახლებს ადგილობრივი ქუჩების 360-გრადუსიან ფოტოებს, რომ ხელი შეუწყოს ადგილობრივი ინფრასტრუქტურის განვითარებასა და ქვეყნით ახალი ტურისტების დაინტერესებას.

Google Street View-ს ქუჩის ფოტო, ფედერიკო დებეტო, ზანზიბარი

ბიზნესების გლობალურად პოზიციონირება 360-გრადუსიანი სურათებით

ამ წლის დასაწყისში ფედერიკომ დაიწყო ჩრდილოეთით მდებარე კუნძულპემბას შესწავლა. 6 დღეში ფედერიკომ და მოხალისე სტუდენტმა, იბრაჰიმ ხალიდმა, 500 კილომეტრზე მეტი მანძილის კადრები და 40 აერო-პანორამა გადაიღეს, რომლებიც Google Maps-ში აიტვირთა Street View Studio-ს მეშვეობით.

ტურისტული ღირსშესანიშნაობების, კულტურული მემკვიდრეობის ძეგლების, სასტუმროებისა და ბიზნესების დეტალური კადრების საფუძველზე მათ შექმნესNational Global Tour of Zanzibar — გამოსახულებითი პლატფორმა, რომელიც სწრაფად იზრდება და პოპულარიზაციას უწევს კუნძულს მთელი მსოფლიოს მასშტაბით.

რუკის დასურათებიდან სამუშაო ადგილის შექმნამდე

შამიმუ იასინი სტუდენტი იყო და დრონის პილოტობაზე ოცნებობდა, როცა ფედერიკო პირველად შეხვდა მას. ზანზიბარის მომავლის განვითარებით მოტივირებული შამიმუ შეუერთდა WT360-ის გუნდს, რომ Street View-ს ტექნოლოგია შეესწავლა. მას ასწავლეს საუკეთესო კამერის გამოყენება, სურათების გადაღება და Google Maps-ში ატვირთვა. შამიმუმ მალე აითვისა ეს უნარები და გახდა პროფესიონალი ფოტოგრაფი — ზანზიბარის აღმოჩენა და რუკის დასურათება მისი შემოსავლის წყაროდ იქცა.

ფედერიკო, შამიმუ და იბრაჰიმი ახლა ზანზიბარის ახალი აეროფოტოების ატვირთვაზე მუშაობენ — მათი ყურადღების ობიექტი ამჯერად ბოლოს განვითარებული ზონები, ახალი ბიზნესები და განახლებული სასტუმროებია. ზანზიბარის გასართობი პარკის გახსნასთან ერთად მათი მიზნებიც ფართოვდება.

დაკავშირებული სტატია

Google Street View საფუძველს უყრის ზანზიბარის რუკაზე დატანას

ზანზიბარის რუკაზე დატანისთვის საფუძვლის ჩაყრა და ადგილობრივების წახალისება

შეიტყვეთ მეტი იმის შესახებ, თუ როგორ დაიწყო ზანზიბარის მთავრობამ და WT360-ის ფოტოგრაფებმა ეს პროექტი ქვეყნის რუკაზე დასატანად.

სტატიის წაკითხვა

ზანზიბარის მასშტაბური რუკის შექმნა: მასალების სწრაფად და მოქნილად გამოქვეყნება Street View Studio-ს მეშვეობით

2019 წლის შემდეგ სურათებისა და კამერის ხარისხი გაუმჯობესდა, ხოლო Street View Studio-ს გამოშვებით სურათების გამოქვეყნება გამარტივდა და დაჩქარდა. ფოტოგრაფებს ახლა უკვე შეუძლიათ ერთდროულად რამდენიმე 360-გრადუსიანი ვიდეოს ატვირთვა, პროგრესის მონიტორინგი, ატვირთული მასალების ძიება ადგილისა და ფაილის თავდაპირველი სახელის მიხედვითა და მომავალი კოლექციების დაგეგმვა რუკის ინტერაქციული შრეების გამოყენებით.

Street View Studio-ს გამოყენებით მთლიანად გამოვაქვეყნეთ კუნძულ პემბას მასალები. ხელსაწყოს ძირითადი გაუმჯობესება ორგანიზაციული ხასიათისაა; კერძოდ, შესაძლებელია დაპაუზებული ან შეფერხებული ატვირთვების გაგრძელება და რამდენიმე ვიდეოს ერთდროულად ატვირთვა, რის გამოც აღარ მოგიწევთ შუაღამით გაღვიძება ახალი ფაილების დასამატებლად. ამით ძილისთვის დრო გამოგვიჩნდა!

ფედერიკო დებეტო, პროფესიონალი ფოტოგრაფი

მომავლის შექმნა

პროექტი ზანზიბარი დაიწყო ადგილობრივი სტუდენტების განათლებისა და გაძლიერების მიზნით, რომ მათ თავიანთი ქვეყნის რუკა დაესურათებინათ — მოგვიანებით ეს გლობალურად გარდამტეხი აღმოჩნდა. სამი წლის განმავლობაში ამ პროექტმა განავითარა ადგილობრივი ბიზნესები და კარიერული გზა გაუხსნა ყოფილ მოხალისეებს შამიმუსა და იბრაჰიმის მსგავსად.

PDF-ის ჩამოტვირთვა

გამოქვეყნდა:

რუკაზე დატანა და გაციფრულება ეკონომიკა და საზოგადოება მემკვიდრეობა და კულტურა

აღმოაჩინეთ მეტი